荷蘭職場嘅「反饋」文化
荷蘭公司都非常重視feedback（反饋）。其實，同唔少西方國家一樣，當地人覺得好嘅feedback有助公司改善、進步。荷蘭公司經常有上司同下屬嘅定期一對一會議 （1:1 bi-lateral 或者當地經常叫bi-la）。除左為員工提供feedback嘅機會，以幫助上司了解員工的工作與個人需要。
荷蘭人返工都識到知心好友？！
荷蘭人一般同事關係良好、非常關心同事狀況。雖然辦公室政治偶有見聞，但普遍比較多係互相幫助。上司與下屬關係一般唔錯。喺當地，唔少同事私下都係好朋友，一大班同事自發去旅行纍見不鮮，就算離職都會一齊吃喝玩樂。
荷蘭公司主動請員工進修？！
其實荷蘭嘅大公司好鼓勵員工持續進修，個別公司每年每人有幾百到幾千歐元不等嘅學習津貼。因應唔同公司政策，唔少人可以彈性返工，只要唔影響工作質量即可。唔少高層後生時都經歷過一邊做嘢，一邊讀書嘅情況，所以對下屬都非常體諒。
Work life balance之餘仲有暑假放？！
一般人會有四十小時工作週。雖然個別工種工時會長啲（例如金融/顧問/法律等行業），不過荷蘭公司普遍注重員工 work life balance。例如會提供健身福利，疫情之前已經容許員工每週指定時間在家工作，甚至有津貼俾員工買在家工作嘅配套，如工作檯、凳等等。而且，員工可以連放幾星期大假，暑假時大公司普遍會「突然少左好多人」。呢方面之後會有文章詳細說明。
文章標籤
